Aktuar hesablamalar üzrə kiçik mütəxəssis/mütəxəssis

“PAŞA Sığorta” ASC namizədləri Aktuar hesablamalar üzrə kiçik mütəxəssis/mütəxəssis vəzifəsinə müraciət etməklə peşəkar komandanın üzvü olmağa dəvət edir.

Vəzifə öhdəlikləri:

• Qeyri-həyat sığorta növləri üzrə aktuari hesablama və modelləşdirmə işlərinin aparılması;
• Sığorta ehtiyatlarının hesablanması və analizi;
• Sığorta ehtiyatlarının hesablama metodunun və istifadə olunan fərziyyələrin sığortaçının həyata keçirdiyi sığorta növlərinə və sığorta məhsullarının hazırlanması ilə bağlı fəaliyyətə uyğunluğunu yoxlamaq;
• Sığorta ehtiyatlarının adekvatlığını qiymətləndirmək;
• Sığorta portfeli üzrə statistik məlumatların toplanması, emalı və təhlili;
• Risklərin qiymətləndirilməsi və zərərlilik göstəricilərinin hesablanması;
• Xidmətin maliyyə sabitliyinin və ödəmə qabiliyyətinin qiymətləndirilməsinə dair vəzifələri;
• Trendlərin, oxşarlıqların və uyğunluqların müəyyən edilməsi üçün böyük məlumat toplusu ilə işləmək;
• Xidmətin anderraytinq şərtləri və tariflərinin müəyyən edilməsi siyasəti üzrə təhlildə iştirak;
• Xidmətin təkrarsığorta əməliyyatları üzrə siyasətin təhlilində iştirak;
• Qanunvericilik və tənzimləyici tələblərə uyğun hesablamaların aparılması;
• Qanunvericiliklə müəyyən edilən tələblərin icrası ilə bağlı Məsul Aktuari tərəfindən verilən digər tapşırıqların icrası.

Biliklər:

• İqtisadiyyat, Maliyyə, Riyaziyyat, Statistika, Ekonometriya üzrə bakalavr və magistr pilləsinin məzunları;
• Kompüter bilikləri: Peşəkar səviyyədə MS Office proqramlarından istifadə bacarığı;
• Dil bilikləri: Azərbaycan və İngilis dillərində yüksək səviyyədə biliklərin olması;
• Aktuar üzrə sertfikatlar arzuolunandır;
• Aktuar sahəsi üzrə təcrübə arzuolunandır.

Bacarıqlar:

• Təşəbbüskarlıq;
• Ünsiyyət qurmaq bacarığı;
• Çalışqan olmaq;
• Öhdəliklərinə məsuliyyətli olmaq;
• Dəqiqlik;
• Fikirlərini aydın izah edə bilmək;
• Komandada işləmək bacarığı.

*Yalnız ilkin seçim tələblərinə cavab verən namizədlərlə əlaqə saxlanılacaqdır.